Gobierno Nacional

Mba’e mba’épa ojejapokuaa oñehenonde’a hagua yvytuvai oútaramo ñane retâme

Publicado el: Jueves, OCTUBRE 12, 2017
Aravaieta Ñehenonde’arâ Moakâhapavê, Pytyvô Pya’erâ Sâmbyhyha pegua ojerure tetâyguakuérape ohechakuaa hagua ko’â mba’e oñemomarandu jave hi’âguîha aravai, yvytuatâ térâ ho’ataha amandáu.
Fotografía: Plan International Paraguay
  • Epytava’erâ peteî tenda ndeaho’ítava guýpe.
  • Ani resê aravai aja, natekotevêietéramo.
  • Edesenchufapaiteva’erâ opaichagua tembiporu oiporúva electricidad, aravai ou mboyve ha aravai aja.
  • Reguerekova’erâ katuete nendive puhoe, mba’eresapeha, pila ha pumbyry popegua.
  • Rehóramo tapére, taha’e yvýrupi térâ mba’yrumýipe, ejesareko porâva’erâ umi cable, poste ohasahárupi electricidad, yvyramáta tuicháva ha opaichagua marandu rechaukaha rehe, ko’âva ho’akuaágui yvytu hatâramo.
  • Reñangareko porâveva’erâ mitâ, tapicha ikatupyry ambuéva ha tapichakuéra ikarai ha ikuñakaraietémava rehe.
  • Nderepytaiva’erâ yvyramáta guýpe ho’akuaágui  hese aratiri, ha upéicha jave iporâve repyta nde mba’yrumýime oguereko rupi aislante.
  • Nderehasaiva’erâ ysyryhatâ ha yno’ô ndereikuaáiramo mba’eichaitépa osyry, térâ nderehecháiramo yvykuaa oîva yguýpe ipypukukuaaha.
  • Neremomboiva’erâ yty ysyryhatâ térâ ysyryháre.
Reñangarekóke ndejehe, ani rejaporeireínte mba’eve.  ¡Upéicha ojejapóramo sa’ive oñemanóta!
SECRETARíA DE EMERGENCIA NACIONAL (SEN)
   
ENLACES DE INTERES - NACIONALES
ENLACES DE INTERES -INTERNACIONALES
Fulgencio R. Moreno 897 c/ Parapití Asunción- Paraguay | Teléfono: (+595 21) 440-997 / (+595 21) 440-998  | Copyright © 2017, Todos los derechos reservados